Han Nyein Oo Ih Soiselnak Cu Min Maw Kun In A Letsawng

Kum 43 mi Min Maw Kun cu Myanmar lemcan thiam hminthang a si, ramsung buainak ah nasa zetin mipi lakah a cangvai. Ramlak ah aum ih ralhrang pawl a do, a inn le lo khal tanta in ram a khel. A nupi le fanau khal aumnak ramlak ah a hruaitel, mipi ralkap pawl khal thazang a pe ṭheu.

Ralhrang pawlin 505 hmangin thubuai an orhter ih kai dingin an hawl rero. NUG ih bawmnak in tluangten Australia ram a thleng. July 30, 2022 sun ah Australia ram, Melbourne khawpi ih duhphorhnak / lamzawhnak an nei ih a telve.

Media in hmaiton thusutnak an nei ih daan vekin Australia ram a thleng thu a sim ih dothlennak ah bawmtu a si vivo dingih dothlennak ah nehnak kan co tengteng ding’ a ti. Kum 33 mi Han Nyein Oo in Min Maw Kun cu a soisel, Han Nyein Oo hi online sungih milar pakhat a si ih ralhrang lamtang a si ruangah mipi in hremnak an rak pe zo.

Han Nyein Oo in, “Kaih ṭih ruangah ramdang ah tlan ih hlaral ihsin aukio cu miralṭha a si lo. Dothlennak ah nan neh lo ding” tin a phunphun in a soisel. Min Maw Kum (Hmingai: Kyaw Kyaw Htay Lwin) in, “Hahaha Han Nyein Oo ralringten um aw” tin a cangan mi cu a tarsawng sak.

Be the first to comment

Leave a Reply

Your email address will not be published.


*