Hanghnah Hangrah In Biakinn An Cei Mawi

Philippines ram ih um fala le tlangval Claver le Flean Molot cu duhdawt aw zetin biakinn ah kutsihnak an nei.

An neihawknak ah pangpar an hmang ciamco lo ih sumpai cem tam lo dingin an hmuan sungsuak hanghnah hangrah pawlin biakinn cu an cei mawi. An neihawk lai zuk cu online parah an tarlang ih an zum aiin mipi in mawi an rak ti tuk ruangah an lar zet.

Claver in, “Ka nute ih khuakhannak a si, amai tawlrelmi a si” a ti. Kutsihnak an theh hnuah hanghnah hangrah pawl cu mopuai ra lawmtu pawl hnenah an zem thluh ih an zaten an lungawi zet.

Benguet khua ih mipi pawl cu hanghnah hangrah ih eihawl an si, Philippines ramsung ah hanghnah hangrah suahnak khua khal a si ih an ramsung ih hanghnah hangrah 80% cu an khua ihsin a suak.

Be the first to comment

Leave a Reply

Your email address will not be published.


*