Hanghnah Hangrah Lawng Ei Pawl Aiin Sa Ei Pawl Ih Ruhcang A Hngetkho Sawn

Tulai cu sa ei aiin hanghnah hangrah lawng ei an uar sawn, ziangmi a ṭha sawn tin elawknak a suak ṭheu ruangah mifim pawlin zingzoinak an nei.

German Federal Institute for Risk Assessment pawlin zingzoinak an nei ih sa ei minung 36 le sa ei lo lawlaw minung 36 ih taksa sunglam cu ultrasound in an zohfiah.

Cutawk ah sa ei 36 pawl ih ruhcang cu sa ei lo pawl ih ruhcang aiin a hngetkho sawn ti an hmusuak. An thisen le zun khal an zohdik ih sa ei pawl ih taksa sungah Vitamin kimcang an hmu sawn.

Lysine timi cu minung taksa hrangih a thupi zetmi dat-ti a si. Minung taksa in amahten a sersuak thei lo ih sa einak lawng ihsin a sersuak theimi dat-ti a si.

BfR president Andreas Hensel in “Ramsa, rannung pawl duhdawt ruangih sa ei lo an um, ṭhenkhat cu boruak humhimnak le harhdamnak hrangah sa an ei lo. Sa ei lo pawl cu damlonak an ngah har, asinan sa ei lo pawl aiin sa ei pawl ih ruhcang a hngetkho sawn” a ti.

Be the first to comment

Leave a Reply

Your email address will not be published.


*