Hawngkyant Khua Ah Ralhrang In Nauhak Kum (7) Mi A Hringhro Ih A Sualpi

Shan State, Mongyang Township, Hawngkyant khua ih um nunau nauhak kum (7) mi cu ralkap in a hringhro ih a pawngsual.

June 27 sun ah nam thawn nauhak te cu a hringhro ih thlanmual kiangah a sualpi. Ralkap cu 334th Light Infantry Battalion ih um Than Zaw a si. Than Zaw cu palik pawlin an kai zo ih palik sakhan ah an hrentang lai.

Nauhak te khal siizung ah an hruai ih an tuamhlawm rero lai. Ralhrang pawlin thuthang hi putsuak lo dingin nauhak te ih innsang pawl an hringhro.

Shan Human Rights Foundation (SHRF) in, “Ralhrang pawlin kum reipi sung hivek thil an rak tuah rero zo. Nauhak kum 10 hnuailam mi an pawngsual cu a rapthlak tuk, sual tuahtu hi napin hremnak pek ding a si” an ti.

Be the first to comment

Leave a Reply

Your email address will not be published.


*