Hel Pawlin Pastor Lu An Tan

Africa, Mozambique khua ih um pastor pakhat cu Islamic hel pawlin an kai ih an hrem ciamco hnuah a lu an sat tan.

A lu cu a nupi hnenah an va pe ih a pasal lu kengin palik sakhan ah zual an koter, pastor ih lu cu a nupi in a kengih palik sakhan ah theihternak ava tuah.

Ṭuanvo neitu pawlin tualthattu pawlkom cu an kai ngah hrih lo. Mozambique ramsung ah Islamic hel pawl hi an hrang zet, nunau pawl khal an kai ih nupi ah an hmang. Ṭhenkhat an kaihmi cu an innsang in sumpai tampi in an tlensuak ṭheu.

The Christian Post ah, “Rawngbawltu pastor nupi hrangah thlacam cio uh, a riahsiatnak le a thlaphannak pawl Pathian in hnem hram seh. Mozambique ram hrangah thlacam uh, hremnak tong rero zumtu pawl hrangah thlacam uh. Jesuh duhdawtnak in Mozambique khuathiam hi sut-eng hram seh” tin an tarlang.

Be the first to comment

Leave a Reply

Your email address will not be published.


*