Himi Khua Ah Minung An Um Lo

Turkey, Mudurnu tlang karlak ah Sarot Group timi pawlkom in 2014 kum ah khua ropi zet din an rak tum, an khua hmin ah The Burj al Babas tin an phuah. Cun inn mawi zetzet, bangaw thluh in an sak ih Siangpahrang inn tin an ko.

2019 kum ah tlangzarh thei an tum ih het leh chet tin an zuam rero. Inn pakhat ah $370,000 (£275,574) le $530,000 (£394,741) in an zuarcia ih cumi man ihsin an sak tum vivo mi a si. Inn 500 hrawng an sak man ih $200 million lenglo an cemliam zo.

An khua sungah cun shopping centre, leknak tualrawn le cinema tipawl khal an tuah tum. Asinan an sak theh hlanah an tlasia, 2018 kum ahcun sak peh vivo thei nawn loin an cawlhsan.

An ramsung ah buainak a suak ih Covid-19 thlisia a hrang bet thawn an sumdawngnak cu a tlasia vivo ih an khua din tum cu an cawlhsan. Inn an rak zuarcia mi khal leitu an um mumal lo ti a si, curuangah an khua ah minung zohman an um lo ih a kiltu security le uico lawngin an hngak.

Tulai ahcun himi khua hi a lar zet ih Thla Khua (Ghost Town) tin a hminthang, leitlun hmun dangdang ihsin himi khua zoh dingin an va feh ṭheu ih minung zohman an um lo ruangah a ṭihnung in a rap um tuk an ti.

Be the first to comment

Leave a Reply

Your email address will not be published.


*