Himi Lamzin Ah Thla A Um

England, Rothay Valley le Patterdale karlak ih um The Kirkstone Pass lamzin ah thlahrang aum. Himi lamzin cu UK lamzin ṭihnung um bik an timi a si. Khawsia le thla an tam tuk, zanṭim lai ahcun himi lamzin ah khual an tlawng ngam lo.

Motor mawng pawl cu thla in an rak tibuai ṭheu, an motor khal a siat ṭheu. Himi lamzin ah mithi khal an tamtuk zo. Lamzin kap ih um The Kirkstone Inn cawlhhmun hlun khalah thlahrang aum ih zohman an va cawl ngam nawn lo.

Lamzin ah nunau thla an hmu ṭheu. 15th century laiah innsang nu Ruth Ray cu nikhua sia lakah Patterdale khua ihsin Ambleside khua ah ava tlawng. A pa damlo ava vehvai tum ih a fahniang thawn an tlawng lamah The Kirkstone Pass lamzin ah an hlo, inn an tlung nawn lo ruangah a pasal le khawtlang in an hawl.

An hawl rero hnuah lamzin kap ah thicia in an hmu, Ruth Ray cu vur in arak nen that nan a fate cu a thi lo. Cumi hnu ihsin Ruth ih thla hi an hmu ṭheu, a fapa a hawl ṭheu an ti. Zanṭim laiah a thla hi an hmu ringring, lamzin ih feh pawl cu arak tibuai ṭheu.

Be the first to comment

Leave a Reply

Your email address will not be published.


*