Hiti Vek Nunau Na Tawng Asilen Nupi Ah Neih Tum Tengteng Aw !!!

Leitlun kan damsung kan koppi ding kan hawl tikah pakhat le pakhat mizia milaw a ṭul vekin hitivek nunau na rak tawng asilen nupi dingah rak nei tum awla na ti suallo ding.

(1) A nunpum na parih hngat aw tu le lo rinsantu, duhdawtnak cun midang nun a thleng danglam thei vekin mi pakhat ih duhdawt mi si khal thilṭha zet pakhat a si. Asinan innsang pakhat din ding cun duhdawtnak lawng a tawk lo ih nangmah lo rinsan zettu leh na sinak, na thiamnak parih thazang lo pe ringring theitu nunau na tawng asilen mi vanṭha na si zo.

(2) Na thinhengnak lo daiter theitu: Mi zokhal thinsaunak in a daih lo cin cun thinheng thei kan si vekin na duhdawt mi in na thinheng zet laiah thinharnak lo pe deuhdeuh tu silo ih thindai dingin a lo tuah theitu kha thei ringring aw.

(3) A lo rin zettu nunau: Mi pakhat par ih kan rinnak a hloh cun rin lehsal ding cu thil harsa zet a si, cu vekin pakhat le pakhat karlak ah rinawknak hi thil thupi zet khal a si. Na duhmi nunau ih rin zet mi na si cun mi vantha zet na si.

(4) Na sungkua unau duhdawt thiamtu: Na duhmi nunau in nangmah a lo duhdawt vekin na sungkhat unau a duhdawt thiam ve a si ahcun nupi ding ah nei tengteng aw.

(5) Na tikcu caan a lo ngai pawimawh saktu: Nunau țhenkhat cun an duhmi mipa thawn can tamsawn hmantlang an duh țheu nan na duhmi nunau in nangmah bulpak hrang caanṭha a lo pe ih na tikcu caan a lo ngai pawimawh sak asile mi vanṭha na si.

(6) Na zanmang na tumtahmi ngai pawimawhtu: Kan nun ah mi hlawhtling kan si theinak ding ahcun kan kiang umtu ih thapeknak khal arak thupi zet a si. Na duhmi nunau in na tumtahnak pawl ngai pawimawh ih na hlawhtlingnak ding hrang duhsaknak tam zet thawn thazang lo petu a si ahcun nupi ah rak nei tengteng aw.

Be the first to comment

Leave a Reply

Your email address will not be published.


*