Hlanlai Biakinn Sia Kiangih An Sar Mi Thilmak Zet Cu Ziang A Si Ti An Theifiang Zo

2003 kum ah hlanlai thilri hawltu Oscar Muño in La Noria nelrawn ramcar ih um biakinn sia kiangah thilmak zet a sar. A thilhmuh mi cu minung vek sisi, minung pianphung keng lo a si.

A taksa ruangrai cu a te tuk ih inch 6 lawng a si, cun a hnakruh hi 10 lawng aum. Minung ngai ahcun hnakruh hi 12 aum, a lu khal minung lu vek si loin a mak zet. Kum 18 sung cu ziang a si ti an thei lo ih ṭhenkhat in leilung lenglam ih um Alien a si ding an ti.

A hmin ah ‘Ata’ tin an ko ih leitlun mifim Scientists pawlin an zingzoi. Scientists pawlkom San Francisco and the University of California in an zingzoi rero hnuah ziang a si ti an theifiang zo. ‘Leilung lenglam ih um Alien a si lo, naute suak danglam a si.

Damlonak ruangah maw ruhcang fehdan diklo ruangah suak danglam a si. Nunau naute a si, a suah hnuah a thi maw, thicia in a suak ti cu theih a si lo. 1970 kum kiangkap hrawng ih suak a si an ti. An nulepa in an lainat in an duat zet ding ti an zum, a san cu an sar laiah savum ṭha zetin an rak tuam hnuah puanvar in an tuam bet.

Be the first to comment

Leave a Reply

Your email address will not be published.


*