Hlanlai Greek Mifim Pawl Zingzoinak Ah ‘Amber Heard’ Ih Hmuihmel Cu Ṭha Famkim A Si An Ti

America lemcan thiam hminthang Amber Heard (kum 36) hi a pasal hlun Johnny Depp thawn an buai hnu ihsin leitlun mipi in an hmeltheih. An ṭhenawk hnuah Amber Heard in a pasal hlun cu a relsia, a ṭhalonak pawl a pholang.

2018 kum ah The Washington Post thuthang hmaiah a pasal hlun ih ṭhalonak, ritheihsii a thamdan pawl a rel ih a pasal hlun cu a mualpho. Curuangah Johnny Depp in a taza a cuai, an thuhla an zingzoi vivo hnuah Amber Heard ih ṭhalonak pawl khal pholang a si ih Johnny Depp in nehnak a co.

Amber Heard cu diklo zetin mi a thangsiat ruangah USD 10.35 million kuan dingin hremnak an pe. Himi hnu ihsin Amber Heard cu mipi in an ngaina nawn lo. Asinan, hlanlai Greek mifim pawl ih hmelṭha an tatnak ‘Golden Ratio’ ah Amber Heard ih hmuihmel umdan cu a ṭha famkim an ti.

Himi Greek mifim ih hmuihmel tatnak Golden Ratio cu siibawi pawl khalin an hmang tangkai zet, hmel surgery tuahnak khalah an hmang ṭheu mi a si. Minung mit umdan, hnar umdan, kaa, haa umdan le biang umdan pawl an zohdik thluh hnuah an hmel a ṭha le ṭha lo an phuang ṭheu.

British siibawi hminthang, surgery tuahtu Dr Julian De Silva khalin Amber Heard ih hmuihmel umdan hi a dik tuk. A hmuihmel a ṭhatdan cu 100 kimnak dingah 91.85% a si” a ti. Hlanlai hmelṭha an timi le tulai hmelṭha an timi hi a bangaw nawn lo ti khal kan theih a ṭha.

Be the first to comment

Leave a Reply

Your email address will not be published.


*