Hlasakthiam Ed Sheeran Thawn An Bangawk Tuk Ruangah Buainak A Tong

Tlangval kum 30 mi Wes Byrne cu leitlun ih hlasakthiam hminthang Ed Sheeran thawn an bangaw tuk. A hlanah Ed Sheeran hi arak thei dah lo, a rualpi pawlin hlasakthiam Ed Sheeran thawn nan bangaw tuk an ti ṭheu ih a video a zoh hnuah bangaw a ti ve ngai.

2019 kum ah Ed Sheeran thawn an tongaw ih Ed Sheeran khalin bangaw a ti tuk ih a kuthnuai ah hna a ṭuan. Kan dung zarh ah Ed Sheeran in concert anei, cutawk ah Wes Byrne cu mipi lakah ava feh ih mipi pawlin an rak zukpi ciamco. Tlansuahnak ding a nei nawn lo ih mipi lakah a talbuai.

Security pawlin an va runsuak ih VIP tonak ah an toter. A vahsuah tik khalah mipi in an rak zukpi cingcing ruangah a fala in a thik thei tuk. Wes Byrne in, “Mi tam sawn cun Ed Sheeran ka si lo ti cu an thei ko, bangaw in ti tuk ruangah in zukpi ṭheu. Nauhak pawl cun in theithiam lo, Ed Sheeran ngai ah in ruat.

Kan vahsuah tikah mipi in zukpi dingin in rak sawm ṭheu ih ka fala in a duh lo thei tuk. Ed Sheeran thawn kan bangaw nan hlasak lamah cun kan bangaw lo lawlaw. Kei cu hlasak mi ka si lo, tingtang hi ka rak zir ve dah nan ka thiam thei lo ruangah ka cawlhsan” a ti.

Be the first to comment

Leave a Reply

Your email address will not be published.


*