Hlasakthiam Hminthang In, “Zing Ka Thawh Veten Bible Siar, Thlacam Le Coffee In Caan Ka Hmang Thok” A Ti

Kum 74 mi Alice Cooper cu America hlasakthiam le hlaphuah thiam hminthang a si, zuknung sung khalah a tel ṭheu. Hla a sak tikah a ceiaw danglam thei zet, khuasia vekin a cangvai ṭheu ruangah mipi tam zetin Christian a si ding khal an zum lo.

Hla a sak laiah thisen lem thawn a cangvai ṭheu ih mak zetzet in aum. The Time thuthang in hmaiton thusutnak an nei ih vanram le hellram thuhla an sut.

Alice in, “Vanram le hellram hi aum ti ka zum. Mipi in khuasia, Setan hmuihmel hi kan ruatsual. Setan cu ṭihnung um zet, ki’nei, mei nei ding vekah kan ruat. Asilo, Setan cu miṭha zet vek, nunnen tuk vekin aum. Na theihthiam lo dingin na kiangkap ah a cangvai dingih a lo bum tum ding” a ti.

Cun, Christian sakhua ih a dinhmun thuhla an sut ih mipi in mak an ti, Christian miṭha zet arak si. Alice in, “Zing le zanlam tinten Bible siarnak, thlacamnak le coffee innak in caan kan hmang ringring. Nikhat ah Bible bungcang pakhat cu ka siarsuak ṭheu, Bible hi vei 12 ka siar zo.

Bible ka siarnak ihsin ka thinlung khuaruahnak khal a tuah ṭha. Ni suah hlan zingpit nazi 5:00 ah ka tho ih Bible siar le thlacamnak in nithar ka hmang thok, zan ka it hlan nazi 11:00 ah Bible siarnak le thlacamnak ka nei ringring” a ti.

Be the first to comment

Leave a Reply

Your email address will not be published.


*