Hlasakthiam Wyne Su Khine Thein Le A Tlangval An Kai

Myanmar hlasakthiam hminthang kum 35 mi Wyne Su Khine Thein le a tlangval Aung La cu April 25 simlam ah an umnak Yangon ah ralhrang pawlin an va kai. April 20 zan nazi 8:00 hrawngah an kai zo ih, ralhrang in ramsung thuneihnak an lak pekte ah lamzawhnak ah an rak tel áš­heu.

Cumi hnuah dothlennak cangvaihnak ah an lang nawn lo. April 20 zan ah an kai lawk ih neta ah dothlennak cangvaihnak ah tel nawn lo dingin le online parah ralhrang pawl relsia nawn lo dingin thu an tiamkam awkter hnuah an suahsal.

Asinan, ralhrang lamtang pawlin suah zalen ding an si lo tin online parah an tarlang ciamco, an Facebook khal an hack sak ih ralhrang pawl donak ca an tarlang sak thu theih a si.

Cutin, April 25 zan ah ralhrang pawlin an va kaisal, sualnak zianghman an nei lo nan thubuai orhter dingin an tawlrel rero lai.

Be the first to comment

Leave a Reply

Your email address will not be published.


*