Hlunghlai Zetin A Fala Neihawk A Sawm Ih A Fala Cu A Lungawi Tuk Ruangah A Ṭap, Asinan Zungbun A Hmu Cu A Tlansan

China, Sichuan province, Chengdu khawpi ah fala le tlangval duhdawt aw zet an rak um. Zankhat cu tlangval in neihawk a sawm tum ih a thupten ziangkim a tawlrel thluh, an va vaksuak ih lamthiam pawlin an rak hmuak ih fala cu a mangbang tuk. Thilumdan a theithiam lo.

Lamthiam pawl cu a tlangval ih rak sang thup mi an si, romantic hla an lam ih a tlangval khal ava lam ve. A fala cu a aipuang tuk. Mithmutu pakhat in “An hmin cu ka thei lo, mipi in an zoh ciamco ruangah ka va zoh ve. Lam khal an thiam nasa, an lam laiah tlangval cu ava fehnai ih khuk a bil cu mipi pawl kan au vualvo.

A fala khal a lungawi tuk ruangah a ṭap thei, a hmai a hup ih umngaihnak khal a thei lo. Asinan, zungbun a hmu cu ziangkhal rel loin a tlansan, kan zaten kan mangbang thluh” a ti.

Lamthiam pawl le mipi in a san an theithiam lo ih an zohaw rero, online sung khalah an thlah ih fala ih umdan cu duh vek si, a zungbun cohlang loin a tlansan cu online mipi pawlin mak an ti tuk.

Neta ah a rualnu in avun bia ih a tlansannak cu a simfiang, “Ahlan ah zungbun tumpi (one-carat diamond ring) in pe dingin a rel zo, ziangruangah zungbun te takte lawng in pe ka theithiam lo. Zianghman ah in ruat lo” a ti.

A tlangval ih zungbun cu a te tuk ruangah a tlansan, online mipi in an soisel ciamco ih duhdawtnak ngaingai cu zungbun tum le te ah a ṭhumaw lo” an ti. Neta ahcun a tlangval in zungbun tumpi a pesal men ding, asilen ziangtin an um vivo ti cu kan thei nawn lo.

Be the first to comment

Leave a Reply

Your email address will not be published.


*