Hmailam Caan Ah Motor Ke Pawp Aum Nawn Lo Ding, Motor Ke Thli Ṭul Loin An Tuah

Michelin le General Motors company 2 an komaw ih motor ke thli tul loin an tuah rero lai, motor ke cu rubber le thil dangdang in an tuah ih a rinsan um zet ding ti a si.

2014 kum ah Michelin company in arak tuah zo nan motor te pawl hrang lawng ah an tuah. Tu’ahcun motor phunphun hrang an tuah tum ih 2024 kum thok lam ihsin an zuarsuak thei ding.

A man khal ci phunphun in an tuah tum ih mai duh dandan in a lei theih ding, motor ke thli ṭul lo lawnglawng an hmang asilen leitlun ah accident a mal phah ding ti an zum. Motor ke pawp le thli mal ruangah accident tong an tam zet zo.

Motor ke thil ṭul lo pawl cu “Unique Puncture-proof Tire System” or “Uptis” tin an ko ih a hmangtu cun motor ke spare khal an keng a ṭul nawn lo ding. A rihlam khal motor ke thil ṭul pawl thawn an bangaw ciahciah ding ruangah driver hrangah danglamnak aum lo dingih buainak khal anei hranpa lo ding. Driver hrangah buainak um loin motor ke cu a danglam ding.

Be the first to comment

Leave a Reply

Your email address will not be published.


*