Hmun Hlapi A Thleng Hnu Lawngah Motor Sungah A Nupi Aum Lo Ti A Thei, Palik Hnenah “Motor Sungah Ka Nupi A Hlo” Ava Ti

Molcenak hi zokhalin kan nei thluh, a luarkai le luar lo ti men a si. Thinhar caan le upat hnuah molcenak hi a luar deuhdeuh. China pacang khal a molce tuk ruangah a nupi a theihhngilh.

Chinese New Year hmang dingin an feh ih lamlak ah an cawl lawk, a nupi in a phone le a bag pawl cu motor sungah a tan. Cutin an poksuak sal tum ih a nupi cu motor dunglam ah a to zo ah a ruatsual ruangah a fehsuak.

Hmun hlapi kilometers 200-300 hrawng a thleng hnu lawngah a motor dunglam cu avun zoh ih a nupi cu arak um lo ruangah a mangbang tuk. Ti ngaihnak a thei lo ruangah kiangkap palik sakhan ah mihlo thubuai ava thehlut, a nupi cu motor sungah a hlo tin a sim thei cu palik pawl khal an luzing thei.

Traffic police pawl an phone kual vivo ih Hubei province motor cawlh hmun pakhat ah a nupi cu an va hmusuak. Cutin a nupi thawn an tongaw sal ih ziangdang rel ciamco ding khal an thei lo ih an hni ciamco.

A nupi in “Phone ka keng lo ih ka pasal ih phone number khal ka thei nawn lo. Ka ti theimi umsun cu zanvar parking ah ka to, ka pasal in motor sungah ka um lo ti thei lohli hram seh tin thla ka cam” a ti.

Be the first to comment

Leave a Reply

Your email address will not be published.


*