Hmundang Cu An Dai Zo Ruangah An Ralkap Le Palik Cu Chinram Nuai Dingin An Kuat

Yangom ih um Salai Lungthli Tum in “Yangon ah nitinten ka vaksuak, cangvaihnak aum nawn lo ruangah lamzin ah palik le ralkap hmuh ding khal an um lo. Hledan ahcun dawr tam zet an ong zo, an thlengaw zo.

Culaiah kan unau pasalṭha pawlin nunnak thapin kan Chinram sungih uknak ṭha lo pawl an rak domi hmuh tikah upat lo awk a ṭha lo. Miphun hmai an hngalter, kan miphun in ram hrangih nan pekawknak cu kan hngilh dah lo ding.

Hmundang cu an dai thluh zo ruangah hmundang ih um ralkap le an ralthuam pawl cu Chinram ah luarkai tuk ih an cangvaih lai hmuh tikah lung a ṭha lo. Pathian in Chin pasalṭha pawl kilveng hram seh” tin a tarlang.

Thudang: Falam pacangṭha NLD sungtel Pu Ngun Thawn in “Ruat cuca loin thil ti kan hmang maw? Ka rualpain Laimi hi thu ruat cuca loin thil ti kan hmang tiah a ti. US ah fund hawlin an ra.

Theitawk kan rak bawm. A lungawiin “tu cun meithal 150 lai kan lei thei thlang dingih Kankaw cu kan ting thei thlang ding tiah ati. Voikhat ting cu nan ting thei tla a si men thei.

Asinan Sakaing Mungzua le Mandalay lamin ralkap pawl a thawng a thawngin pukpi thawn tank thawn an ra pok ciamco ding sikhawh ziangtin na tuah dingah ka sut. Cule “Cu tiangtiang cu ka rak ruat lo ” ati tithu in simmi relsal ka duh” tin a facebook cahmai ah a tarlang.

Thudang: Falam Kapte in “Hiti ih ral kan do ciamco hi nehnak co duh men ruangah a si lo, thudik le thuhman kan kilhim theinak dingah a si sawn. Abraham Lincoln ih țong mi a si. Himi thinlung hi kan ram mipi in kan neih țul zetmi a si. Nehnak pakhat lawng kan beisei a silen, nehnak kan co hnuah thudik thuhman cu hnawl in a um thotho ding” tin online parah tarlang. An thurelmi pawl hi a ṭha in ruat tlak zet hlir a si.

Be the first to comment

Leave a Reply

Your email address will not be published.


*