Hnaṭuan An Thok Hlan Ah An Pu An Hnam Ta Ṭheu

China, Tongzhou District ih thir tuahnak, bel tuahnak company ih manager in daan le dun danglam zet a tuah. Hnaṭuantu nunau pawl cu hnaṭuan an thok hlan zinglam nazi 9:30 ah an tlaraw ih manager cu an hnam ta ṭheu.

Nunau pahnih in an hnam duhlo ruangah hnaṭuannak ihsin an ban zo. An manager an hnam lai cu hnaṭuantu ṭhenkhat in an rak zuk thup hnuah online parah an pholang ih mipi in an soisel zet.

An manager in, “Hnaṭuan thok hlan ih hnamawknak in hnaṭuan phurnak a pe. Thazang khal a cakter, USA ka tlawng lai ih ka rak hmuhtonmi a si” tin media pawl hnenah a sim thei.

Online mipi in, “Nan pu cu mihur a si kha. Hnaṭuantu nunau pawl sumpai nan nei lo lawlaw maw si? Hnaṭuannak dang hawl uhla rilrawng tihal ih nan thih nan zum maw si?” an ti.

Be the first to comment

Leave a Reply

Your email address will not be published.


*