Hnaṭuan Ding Danglam Zet Aum, Puitling Zuknung Zoh, Nazi Pakhat Ah $20 Na Hlawh Ding

Leitlun ah hnaṭuan ding danglam zetzet aum. Tulai ahcun rawlei hnaṭuan hi a lar zet. Company pawlin thaw zet ih rawlei theitu pawl cu an hnaṭuantu dingah an duh. An rawlei lai video cu online parah an pholang sak ih sumpai an ngah, company pawlin rawlei ding thaw zetzet an leisak ṭheu.

Tu’ah Bedbible company in hnaṭuan ding danglam zet an neih thu an tarlang, an hnaṭuan ding cu puitling zuknung zoh a si. Nazi pakhat sungah $20 (£15) an ngah ding, an zoh rei asilen an hlawh tam deuhdeuh tinak a si.

Puitling zuknung an zoh tikah an hminsin ṭulmi aum ve, ziangvek umdan positions an hmang, an rei maw, nunau le mipa an si maw, an sam color, vei ziangzat diriamnak an peaw tipawl hi an rak hminsin a ṭul.

Ṭuanvo neitu in, “Tulai ah puitling zuknung zoh hi a lar deuhdeuh. Ziangvek puitling zuknung in mipi a hip bik ti kan theih duh ruangah a si” a ti. Khuitawk ram ih na um asikhallen online fehtlang in na ṭuan thei thotho, kum 21 tlunlam pawl cun hnaṭuan an dil thei ringring. Na rak ṭuan duh pang ah hinah hmet awla form na fill-up thei.

Be the first to comment

Leave a Reply

Your email address will not be published.


*