Hnaṭuannak Ihsin An Dawisuak Ruangah A Pu Tei Innsang Cu Nam In A Dawt/Sat

Kachin State, Hpakan khawpi ah thirsia tuahnak neitu in a hnaṭuantu mipa pakhat cu ritheihsii a tham ṭheu ruangah hnaṭuannak ihsin a dawisuak.

Hnaṭuannak ihsin an dawisuak ruangah a thinheng tuk ih May 9, 2022 zan nazi 1:00 hrawngah a pu tei innsung ah ava lut ih innsang member pathum cu nam in a dawt/sat. A pu le a pi, an fanu kumkhat mi cu nam in a sat ih hliamhma nasa zet an tuar, an dinhmun khal seherh um a si.

Tualsung mi pakhat in, “A pu cu a hngawng ah a sat ih a dunglam zang ah nam in veihnih a dawt bet. A pi cu seherh um a si lemlo, an fanu kumkhat mi cu a ṭap ciamco ruangah lukham in a nen that tum ih a thi lo ruangah a pum ah nam in a dawt.

Siizung an thlen tikah an fanu cu a sungril pawl a pawtsuak. An hnaṭuantu hi ritheihsii a tham ruangah an dawisuak thu kan thei, a thinheng tuk ih thlakhat hnuah a pu tei innsang cu ava tuahmawh” a ti. Mi dawttu cu tualsung mipi ralkap KIA pawlin an kai zo, hremnak pe dingin an hrentang.

Be the first to comment

Leave a Reply

Your email address will not be published.


*