Hnaṭuannak Ihsin Ava Tlung Ih A Pasal In Rawl Arak Suang Lo, Zu Arak In Sawn Ruangah A Serh Ah A Kap

Thailand, Buriram khua ih um innsang nu kum 43 mi Chanita Kuedrum in nga kahnak thal in a pasal ih serh ah a kap puppi.

March 3 ah Chanita cu fu hmuan ah hnaṭuan in aum, simlam ah ava tin ih inn ah a pasal kum 45 mi Boonchuey cu aum lo. Rawlsuang loin hmun dangah a rualpi pawl thawn zu an rak in, a nupi thawn kum 21 sung an umtlang zo.

Chanita cu a hnaṭuan bang thawn a thinheng tuk ih a pasal ih tlun ding caan arak hngak, a pasal cu zuri tukin ava tlun ih nga kahnak thal in a serh ah arak kap. Boonchuey cu zu a ri tuk ruangah siizung ah a feh lohli lo ih a thaizing lawngah ava piahaw, sibawi in hmun 17 rori ah an thitsak.

Boonchuey in, “Ka nupi ih thin a dai hlanlo, inn ah ka tlung lo ding” a ti. A nupi Chanita khalin, “Ṭongkam ṭhaten biak hi a hrangah san aum lo, ṭongkam ṭhaten biak cu kan thubuai cinfelnak a si lo” a ti.

Be the first to comment

Leave a Reply

Your email address will not be published.


*