Hna Ningum Tuk An Pek Ruangah A Hnaṭuanak Company Cu Taza A Cuai Ih A Neh

Nitinten hnakel ṭuan ringring cu a ningum thei tuk nan sumpai laklutnak tin kan ṭuan tento ṭheu. Kan hnaṭuanmi kan ning tuk ruangah tazacuai cu kan tum dah lo ih hnaṭuannak ihsin kan suak sawn ṭheu.

Asinan, France khawpi ih um Frederic Desnard in a hnaṭuannak company cu a hnaṭuanmi a ning tuk ruangah taza a cuai ih nehnak a co. Frederic cu ziihmui tuahnak Interparfums ah hna a ṭuan, kum 4 sung hna a ṭuan zo ih thil leitu an mal vivo ruangah hna harsa khal a ṭuan phah a ṭul.

A hnaṭuanmi a ning tuk ruangah thinharnak, beidonnak a neih thu court hnenah a sim thei, a hnaṭuanmi a ning tuk ruangah a harhdamnak khal a siatsuah ih thla 6 sung rori hnaṭuannak ihsin a cawl ih siikhan ah a feh ṭheu thu pawl a sim.

Paris Appeal Court in a thuhla cu an buaipi hnuah an company cu thiamlo an coter. Midang khuaruahnak siatsuah, harhdamnak siatsuah tin an fehter hnuah zangnadawmnak ah 40,000 Euros (£36,000) an kuanter.

Be the first to comment

Leave a Reply

Your email address will not be published.


*