Hnawmhlonak Ah Mithi Ruang An Hlon

Shan State, Muse ihsin Nam Hwei fehnak lamzinkap ih hlawmhlonak ah mithi ruang an rak hlon. June 26 zingpit ah motor thawn an run hlon. Minung 2 an hlon ih pakhat cu a thicia, pakhat cu a thi lo nan hliam nazet a tuar ih a cang thei lo.

Zo in an hlon ti cu an thei hrih lo ih runsuaktu pawlkom in siizung ah an phur. Nam Hwei khuami in “Ka farnu tei inn kiang, hnawmhlonak ah an ra hlon.

Zinglam nazi 6:30 hrawng bazar kai dingih an fehlam ah an hmu, pakhat cu arak thi zo ih pakhat cu a thi lo” a ti. Hliamtuar damkhuasuak sawntu cu Muse tlawng saya ih fapa a si ti an thei.

Mithi sawntu cu hridai thawn a ka an hupsak ih thihnai in a khat. June 25 khalah Muse, Swansaw lamzin kap ah mithi ruang an sar, meithal ih kahnak hliamhma a tuar.

Be the first to comment

Leave a Reply

Your email address will not be published.


*