Hnawmhne Samtu Pacang In Mask Pakhat Lawng A Nei Ih A Fanu A Bunter Sawn

Covid-19 natsia in leitlun ramtinkim a nuai ciamco ih pampi a tlung. Face mask le kutkolhnak cu nitinten kan ṭulhaimi thilri ah an cang, duh vekin hnaṭuan a theih nawn lo ruangah mask man khal nitinten a kaiso vivo.

Ṭhenkhat hrangah cun buainak tham a si lo ding nan lamzin kap ih um, inn le lo neilo hnawmhne sam ih khuasa pawl hrangah cun mask leinak ah an buai.

Nitin eicop hawl pawlin Covid-19 aiin rilrawng tihal ih thih an ṭih sawn ruangah sumpai hawl dingin an poksuak. Philippines, Manila lamzin kap ah pacang pakhat in a fanu te a hruai ih hnawmhne an sam vivo.

Siizung kiang an thleng zawngah pacang in a mask pakhat cu a fanu a bunter sawn. Mithmutu in arak zuk ngah ih Twitter ah a tarlang cu tulai ah a lar zet. @ceegreen14 timi account neitu in “Tuizing siizung lam ka feh laiah pacang pakhat in a mask neihsun cu a fanu a bunter sawn. A ningnat um tuk, kan ram cozah in hivek pawl hi a kilkhawi a ṭul” tin a tarlang.

Philippines mipi pawl ih thinlung a neh zet ih an rampi cozah in tuvek boruak sia lakah miharsa pawl a kilkhawi ṭul tin an au rero, cun zuk sungih pafa khal bawmnak pek an duh ruangah khuitawk ah an um tin an zingzoi rero lai.

Be the first to comment

Leave a Reply

Your email address will not be published.


*