Hngakṭah Unau 3 Cu Fancang Ei Ding An Nei Lo Ruangah Ungti An Ei Ṭheu

Philippines unau 3 cu an nauhak zet lai nan nulepai duhdawtnak an tep ngah lo. Camarines Norte, San Roque khua ih um an si ih innsang nubik in tlangval a nei ih a fale pawl khal ngaihsak nawn loin a tlangval dung a thlun.

Hringtu pa in a fale 3 cu arun hmeipi, asinan vanduai thlak zetin August 17, 2020 ah a thi. Cutin an unau 3 lawngin an khuasa ih upabik cu hnaṭuan in a naule pawl a cawm.

Asinan, a nauhak lai ruangah a thlahlawh khal a mal tuk ih an ei khop cu a hlawhsuak thei hrih lo, venghnen pawlin an bawm ṭheu nan venghnen pawl khal miharsa tete an si ruangah an duh vekin an bawm thei lo.

Curuangah fancang ei ding an nei lo ih an hmuanchar ih ungti cu rawl ah an ring ṭheu, ungti le nganpiazii cu an com ih an ei, rawl an ei lo caan khal aum.

An innhnen Jopay T De Guia in online parah bawmnak a hawlsak nan an ngah mal tuk ruangah an hmang cem hngal. Vengsung mipi pawlin hringtu nu cu an dem zet ih a sual siraw in a fale pawl ra ngaihsak ding a si nan an ti rero.

Be the first to comment

Leave a Reply

Your email address will not be published.


*