Hngakṭah Unau 3 Cu Hlasakthiam Ar-T In A Bawm

Sagaing, Yinmabin District, Pale khua ih um unau thum te in hringtu nu an nei nawn lo, an hngakawknak bik hringtu pa khal July 19 sun ah Covid-19 in a thi. A ruak an lak lai cu an sangkate ihsin an rak zoh ringring ih, an hringnun cu a thim thluh in an theiaw.

Umnak ding inn an nei nawn lo ih quarantine-nak hmun ah an um lai. Hngakṭah unau 3 ih thuhla cu Pale Meimittu Htin Lin Aung in “An thuhla ka ruat ruangah zan khal ka itthat thei lo, ziangtin ka bawm thei ding ti ka ruat rero.

Sangkate ihsin an rung zoh lai cu ka thinlung sungah an cam ringring” tin July 20 zingah a tarlang. Cumi hnu ihsin hmun dangdang ihsin bawmnak an pe ih quarantine-nak ihsin an suah veten umnak ding innte khal an nei zo.

Cumi lakah Myanmar ramsung ih hlasakthiam, hlaphuah thiam hminthang Ar-T khalin ting 5 in a bawm ve, cun Pale Meimit Pawlkom hrang khalah ting 5 a hlu.

Be the first to comment

Leave a Reply

Your email address will not be published.


*