Hotel Ah Zanriah An Ei, A Pawhte A Tum Ruangah Hmeltheih Lo Nunau In Arak Kawk

US fala Adrienne in a suahcam birthday a lawm ih a rualpi pawl thawn hotel ah rawl an va ei, rawl an ei hlanah birthday lawmnak an tuah lawk. Cutin, cabuai ah an to ih thunuam an rel laiah khua a hlum a ti ruangah a kor tlunta cu a phelh.

A pawhte khal malte a lang, khatlam ih to hmeltheih lo nunau in ava pannai ih, “Mi na tibuai tuk, thinlung um nuam lo dingin mi na tuah. Cabuai dangah to uh” a ti.

Adrienne in buainak a tuah duhlo ruangah hmun dang ah a to ih nuam zetin a suahcam cu an lawm, hotel ih a thilton cu online parah a tarlang ih, “Ka pianphung pawhte tum ruangah in hua, fala itum khal ka si lo. Hotel ih um nunau hi mihuatu hrimhrim a si” a ti.

Nunau pawhte tum ṭhenkhat in, “Kei khal buainak ka nei tampi ve, ka pawhte tum ruangah in dodaltu cu nunau an si. Mipa pawl cun in relsia dah lo” tin an comment.

Be the first to comment

Leave a Reply

Your email address will not be published.


*