Hpakan Ah Lei A Min Ih Minung 50 Lenglo An Hlo

Kachin State, Hpakan lungmankhung hawlnak hmun ah lei a min thutthi ih hnaṭuantu 50 lenglo an hlo, an thi maw an nungdam lai ti khal an thei lo. February 28, 2022 zan nazi 10:00 hrawngah lei a min ih a hnuai ih hnaṭuantu pawl cu a nenpil.

Tualsung mi pakhat in, “Lungmankhung hawltu le company lei laihnak motor khal a nenpil, tlunlam ihsin lei a min ih hnuailam ih hnaṭuantu pawl cu a nenpil thluh” a ti. Company ṭuanvo neitu pawlin mihlo hawlnak ah tualsung mibawmtu pawl an ko lo.

Mibawmtu pawlkom ih ṭuanvo neitu in, “Anmai hmunram sung a si ruangah anmahten an hawl tum asilen kan va feh a ṭullo. Anmah lamin in sawm asilen kan va hawl bawm ding” a ti.

December 2021 khalah Hpakan lungmankhung hawlnak hmun ah lei a min ih hnaṭuantu 20 lenglo an thi. July 2, 2020 khalah Hpakan lungmankhung hawlnak hmun ah rapthlak zetin lei a min ih hnaṭuantu 200 hrawng an thi.

Be the first to comment

Leave a Reply

Your email address will not be published.


*