Hringtu A Nu A That, A Pa In, “Ka Fapa A Si Lai Thotho” Tin A Ngaidam

Malaysia, Kuala Selangor ah tualthatnak rapthlak zet a thleng. Mipa kum 28 mi in hringtu a nu a that, a lu a sat tan.

Vengsung mipi pawlin tlangval kum 28 mi cu ritheihsii tham a si ih a nu hnenah ritheihsii leinak ding sumpai a dil ih a pe duh lo ruangah ṭongkam an el’aw ciamco hnuah a nu cu a sat that an ti. Hi thil a thleng laiah a pa cu hmundang ah arak um, an innsang ih thilthleng cu a rualpi pawlin an sim thei lohli ih ava tlung hngal.

Inn a thlen tikah cun an inn cu vengsung mipi pawlin an rak kulh thluh, a fapa khal palik pawlin an kai zo. Hringtu a pa in, “Ziangthil khal asilen ka fapa a si lai thotho ruangah ka ngaidam a si. Ka fapa hrangah thla ka cam ih a sual siraw in hmailam caan ah miṭha zet ah cang hram seh ti ka beisei.

Ka nupi hi miṭha le mifel zet a si ih kan fale pawl hrangah nuṭha zet a si. Zangfahten kan innsang ih thilthleng lai zuk hi online parah tarlang nawn lo hram uh” a ti. Thla 4 liamzo ah a nupi in an thih tikah thlan an tuahdan ding thuhla arak ruah zo ruangah hi thil a thleng ding ti a theicia tla a bang’ a ti.

Be the first to comment

Leave a Reply

Your email address will not be published.


*