Hringtu A Nu An Kap Hnuah A Fapa Kum 3 Mi An Kai

Yangon, Ahlone Township ih um innsang nu pakhat cu ralhrang pawlin PDF hnenah bawmnak nan pe’ tin meithal in an kap ih hliamhma nazet a tuar hnuah an kai.

A fapa kum 3 mi Maung Thant Phone Wai Yan khal mucu a kainak tlawnginn ah ralhrang 20 hrawngin an va kai ih an hruaisuak. Innsang pabik cu hmun dang ah a tlan ih an hawl rero lai.

Ralhrang pawlin an nufa in thusutnak hmunpi ah an hruai ih an vel ciamco ruangah an sungkhat pawlin an nun hrang an seherh tuk.

Vengsung mi pakhat in, “Zianghman theithiam hrih lo nauhak kum 3 mi khal an kai thotho cu an rapthlak tuk. Mucu tlawnginn rori ah an va kai, ralhrang pawl hi an duhmi thil an ngah hlanlo cu ziangvek thil khal an tuah ding. An nufa te him hram seh” a ti.

Be the first to comment

Leave a Reply

Your email address will not be published.


*