Mon State, Gyaingywar khua ih um fapa sual in hringtu a nu cu tuhmui in a lu ah a vuak ih a hmun ah a thi. Kum 50 mi U Myint Swe cu a thluak fehdan a dik nawn lo, hringtu a nu kum 74 mi Daw Ngwe Yin in a kilkhawi.
A pa in a thihsan zo. A nu a that hnuah a nui ruak kiangah thicia in an hmu, an nufa in an thi. Tualsung mi pakhat in, “An inn ah ui fate an vulh ṭheu. U Myint Swe hi a thinlung a kim lo, a thinlng kim loin coffee mix a in ringring.
Vengsung mipi pawl khalin a thinlung a kimlo ti cu an thei thluh, zan nazi 1:00 hrawngah a nu cu tuhmui in a vuak that. Ziangruangah a that ti cu kan thei lo, amah khal a kiangah a thi cih” a ti. Mithi ruak pahnih cu siizung ah an zohdik hnuah an vuiliam. Tualsung palik pawlin mithi thuhla cu an zingzoi rero lai.
Leave a Reply