Hringtu A Nu Thawn An Duhaw

Mipa kum 32 mi Ben le hringtu a nu kum 51 mi Kim cu fala le tlangval vekin an duhaw ih an umtlang. Kim hi kum 19 mi a si laiah US, California ah tlawng a kai ih nau a pai. A naupai cu midang hnenah a pe cu amah cu an ram UK, London ah a tlung.

A fapa Ben cu midang in an cawm thanglian ih nupi khal a nei zo. Innsang pa a si, kum 30 hnuah hringtu a nu cu a hawlsal ih an tongaw. Hotel ah an tongaw ih an lungawi tuk ruangah zu an intlang ih rinlopin an hnamaw thutthi hnuah an ittlang.

Cutin, thungai thlakin an duhaw, Ben ih nupi in an umdan cu a theithiam ih a thik thei tuk. Ben in a nu hi a duhdawt tuk ruangah a nupi khal a ṭhen ih a nu thawn an umtlang, fa khal an nei tum. An zumdan cun a nu kiangih a thanglian lo ruangah midang vekah an ruataw a si ding an ti.

Hitin nufa an umtlang ruangah an ram ṭuanvo neitu pawlin kai dingin an hawl ih an relh, an ram daan le dun ah nufa, unau ittlang siang a si lo ih an kai ngah asilen kum 15 asilolen damsung thawngtla thei an si. Tuini tiang an kai ngah hrih lo ih ram / hmun pakhat khat ah an umtlang lai ding ti an zum.

Be the first to comment

Leave a Reply

Your email address will not be published.


*