Hringtu A Nulepa A Hawl Vivo Ih A Hmuh Hnuah Taza A Cuai

China tlangval ih a thilton hi a lainat um zet, hringtu a nulepa rori taza a cuai tum nan a mawh lo. Nauhak te a si laiah hringtu a nulepa in an zuar. Fa nei theilo nupa in an lei ih an duat zet, an fapa ngai vek rori in an duhdawt.

Asinan kum 4 mi a si laiah amah cawmtu a nulepa cu motor accident in an thi ih a hringnun cu riahsiatnak in a khat. Amah cawmtu ih nulepa (a pilepu) in an la ih, cumi hnuah midang dang hnenah a umkual vivo ih a cemnak ahcun umnak ding anei nawn lo.

Hngakṭah runinn ah aum ih harsatnak phunphun a tong ih a damkhuasuah theinak dingah hna a ṭuan ṭheu. Liu Xuezhou cu kum 17 a kim ih hringtu a nulepa ngai cu a hawl vivo, a nulepa in an rak zuarnak a san cu an neihawk hlanah Liu Xuezhou hi an nei.

Mualpho ding an phan ruangah le moman sumpai an ngah duh ruangah fa nei lo bangih um an duh ih Liu Xuezhou cu an zuar. An fapa an zuar hnuah reilote sung an neiaw ih tu’ahcun an ṭhenaw zo, a pa in nupi dang anei zo. Liu Xuezhou in a nulepa ngai cu ava tong nan an rak duh lo veve lai.

A pa in a inn ih leng ding khalin a duh lo, a nupi thar in a thuhla a theih asilen buainak a suak pang ding ti a phang ruangah a fapa cu a duh lo. A nu khalin a pehtlaih duh lo ih a hringnun ti buai a duh lo thu a sim.

Liu Xuezhou cu a riahsia tuk ih, “Nan hringnun ka lo ti buai a si lo, nangmah in ka hringnun nan siatsuah thluh. Nan fapa ka si ruangah a liamzo cu liam ko seh ka ti tum nan thil ziangkim nan siatsuah. A var cu nan dumter, curuangah in rak zuar ruangah Court ah kan tongaw ding” a ti. Hringnu a nulepa cu Court ah taza a cuai tum ih mipi in nehnak co hram seh tin duhsaknak an hlan.

Be the first to comment

Leave a Reply

Your email address will not be published.


*