Hringtu A Pa Kum 80 Mi In Nupi Neih A Duh Ti A Theih Veten A Sut That

India, Rajgurunagar ah pacang kum 47 mi in hringtu a pa rori cu rapthlak zetin a that. Hringtu a pa cu kum 80 mi a si, nupi neih a duhsal ruangah koppi ding hawlnak cozah theihpimi pawlkom pakhat ah a hmin a pelut.

December 6, 2021 sun ah hmun dangih um a fapa in a pai thuhla cu a thei ih a thinheng tuk, a pa cu ava tong ih á¹­ongkam an el’aw ciamco hnuah a thinheng supaw thei nawn loin coka nam in a pai hngawng a at tum.

A at thei lo ruangah hnakphek phomnak lungto in a lu ah a sut, hringtu a pa rori cu a thih hlanlo a sut ciamco. A thih hnuah tualsung palik sakhan ah ava feh ih a thiltuahmi cu a phuangaw, “Ka pai thuhla ka theih veten ka thinheng tuk ih ka that” a ti. Tualthattu cu palik pawlin an kai ih hremnak pe dingin a thuhla cu an tawlrel rero lai.

Be the first to comment

Leave a Reply

Your email address will not be published.


*