Huiha… Ralkap In “June Thla Ni 30 Tiang Kahcawlhnak Kan Nei Peh Vivo Ding, Nauhak Pawl Thindaiten Tlawng An Kai Theinak Dingah” An Ti

Myanmar ralkap pawlin May thla sung kahcawlhnak an neih ding thu an rak phuang zo, an cawl le cawl lo cu kan theih vek a si. June 1, 2021 ihsin Myanmar rampum huap nauhak pawl tlawng an kai thlang ding an ti nan nauhak tam sawn cu tlawng an kai lo.

May 31 zanah ralkap pawlin “June thla ni 30 tiang kahcawlhnak kan nei peh vivo ding. Humhim awknak le ramuk hnaihnoktu ti lo ahcun zohman kan kap lo ding.

Thaisun June 1 ihsin 2021-2022 hrang fimthiam zirnak tlawng an ong thlang dingih tlawngta nauhak pawl thindaiten tlawng an kai theinak dingah kahcawlhnak kan nei ding.

Cumi sungah NCA hminkhen tlangpar hriamkai pawl thawn rampi a ṭha theinak ding thuhla reltlangnak nei dingin kan tawlrel rero lai” tin an phuang. Ralkap in thuneihnak an lak hnuah tlangpar hriamkai ṭhenkhat thawn rampi daihnak ding hrang an rak tongaw zo.

Thuneihnak latu ralkap pawlin thlatinten kahcawlhnak an neih ding thuhla an phuang ringring nan an cawl dah cuang lo, tu’ahcun khuasung kahnak ah helicopter, jet fighters le special Jet tiang an hmang sawn. (# RFA Burmese)

Be the first to comment

Leave a Reply

Your email address will not be published.


*