“In Rak Kap Hlah Uh, Lamzin Sia Kan Rem Ding” Titu Ralkap Pawl Cu An Rak Kap Puppi

October 12 simlam nazi 4:00 hrawngah Pakokku ihsin ralkap motor 80 lenglo le tank 3 cu Mindat lamah an feh ih Kyaukhtu Airport sungah an lut ih camkhat sung umhmun an khuar lawk.

October 12 zan ah ralkap pawlin “Matupi le Mindat lamzin leimin pawl kan rem ding, lamzin tuah ṭha dingin kan timlam, curuangah in rak kap lo asilen kan lo kap ve lo ding. Khuasung mipi pawl khal harsatnak kan pe lo ding, in rak kap hlah uh” tin loudspeaker in an au thu Matupi khuami pawlin an rel.

Falam lam ihsin feh ralkap pawl cu lamzin ah mipi kilhimtu pawlin an rak kap rero zo. October 14 sun ah Matupi ihsin ralkap pawl cu Mindat lamah an feh, leinornak motor pakhat khal an keng.

Tuisun nazi 12:00 hrawngah Matapi-Mindat larlak lamzinpi ah mipi kilhimtu pawlin an rak kap ciamco. Chanpyan khua thar le Khuahlun mipi pawlin an khua karlak Tiva kiangah bomb puak, pukpi awn le meithal awn an theih rero thu an rel. An doawknak ah mithi le hliamtuar cazin cu theih a si hrih lo.

Be the first to comment

Leave a Reply

Your email address will not be published.


*