India Ram Ah Palik Pakhat Cu Thla A Ṭih Tuk Ruangah A Awkaw That

India, Tamil Nadu, Cuddalore district palik sakhan sungih thilthleng a si. Palik ṭuanlai pacang kum 33 mi in thla a ṭih tuk ruangah a awkaw that tin India Today thuthang sungah an tarlang.

Palik Prabhakaran hi a harhdamnak a ṭha lo ruangah siikhan ah an tuamhlawm aw ṭheu, a nupi thawn fanu le fapa pakhat an nei ih palik quarter sungah an um. A zanmang ah meisa lakih um nunau pakhat a hmu ṭheu ih arak rek tum, a hnaihnok ringring.

A mang thuhla cu a innsang le rualpi hnen khalah a sim thei. A thinhar ruangah kut-rin zohthiam hnen khalah bawmnak ava dil zo, a damlonak ruangah ni 15 sung cawlh a la ih an innsung ih pathian biaknak khan sungah a kharhkhum aw.

A nupi le a fale pawl cu an sungkhat puainak hmun ah a fehter thluh ih amahten inn ah arak um. A nupi le pawl an va tlun tikah cun thlaiaw that in an hmu, siizung ah an tlanpi hngal nan sibawi in a thi zo thu an rak sim thei.

Cuddalore New Town Police khalin thla a ṭih tuk ruangah a thataw tin an phuang, cun thubuai an ngankhum ih a thihnak san cipciar ih thei dingin an zingzoi vivo ding. Thilmak zet pakhat cu ahlan ah an umnak palik sakhan sungah nunau pakhat cu datsii (Kerosene) thawn tawi aw in a urthat aw zo.

Be the first to comment

Leave a Reply

Your email address will not be published.


*