India Hlasakthiam Hminthang Cu Concert An Ṭheh Hnuah A Thi

India ram ih hlasakthiam hminthang KK cu May 31, 2022 simlam ah concert an nei ih an ṭheh hnuah a thi. Kum 53 mi Krishnakumar Kunnath (KK) in a nupi le fale 2 a thihsan.

Delhi khawpi ih piang a si ih Hindi, Tamil, Telugu, Kannada, Malayalam, Marathi, Bengali, Assamese le Gujarati ṭong in hla a sak ṭheu.1999 kum ah album hmaisabik ‘Pal’ timi a suah ih a hminthang zet.

May 31 simlam ah Kolkata khawpi ah concert an nei ih nazi 1:00 sung hrawng zaihla thawn mipi pawl a awi. Concert an ṭheh hnuah a zuk khal online parah a tarlang. An thlennak hotel ah an va feh ih a tlu, siizung ah an va tlanpi hngal nan siibawi pawlin a thi zo an ti.

Siibawi in, ‘Kan tuamhlawm thei lo cu a poi tuk. Lungphu cawl in a thi” a ti. India rampi hruaitu PM Modi khalin a riahsiatnak thu a tarlang. India lemcan thiam hminthang Akshay Kumar khalin, “KK mual a liam ti ka thei cu ka riahsia in ka lau tuk. Suunnak rapthlak a si, cawl hahdam aw” a ti.

Be the first to comment

Leave a Reply

Your email address will not be published.


*