India In Ralhrang Pawl Rang A Pe

February 3, 2022 ah India in ralhrang pawl hnenah rang 32 a pe ih sun nazi 11 le 12 karlak hrawngah ralhrang pawlin lungawi soparten an va phur. February 12, 2022 ah Min Aung Hlaing in Union Day cu Nay Pyi Daw ah hlunghlai zetin a tuah tum ih cumi hrangah India in rang 32 cu laksawng ah a pe.

Rang pawl an va phur laiah kiangkap khua Tamu ramsung ih internet le phone line pawl an phit thluh. Tualsung mi pakhat in, “Rang cu 32 an si, Tamu ihsin rang pawl cu an phur lo. India-Myanmar ram pahnih rualpi áš­ha sinak lilawn ihsin an phurlut. Sun nazi 11 le 12 karlak hrawngah a si.

Min Aung Hlaing ih tuah dingmi puaipi hrangah laksawng ah an pe. Ram mipi pawlin Democracy cangsuak dingin ral kan do rero laiah India in ralhrang pawl arak tanpi cu kan lungawi lo tuk” a ti.

Ralhrang in Myanmar ramsung thuneihnak an lak hnuah ramsung mipi pawlin harsatna phunphun an tong, sumdawngnak khal a siat thluh. Cutik laiah Min Aung Hlaing in sumpai tam zet cemliam in February 12 ah puaipi a tuah tum rero lai.

Be the first to comment

Leave a Reply

Your email address will not be published.


*