India Ram Ah Mithi Pakhat Cu Nazi 7 Hnuah A Nungsal

India, UP ramsung ah mipa kum 40 mi cu sibawi pawlin a thi zo tin an nenhnget ih siizung sungah mithi retnak mortuary freezer ah an ret lawk.

Meisa tuahtu Sreekesh Kumar cu November 18, 2021 zan ah bike accident a tong ih kiangkap siizung ah an tlanpi hngal, asinan siizung an thleng hnuah siibawi pawlin an zohdik ih a thi zo tin an phuang.

Siizung sung mithi retnak khan sungah an ret lawk ih a thaizing ah post-mortem tuah ding an si. A zan ah a innsang pawl an va feh ih a ruak cu autopsy tuah dingin an lungkimnak hmin an khen, cutin an buai rero laiah an monu in a ruak hi a cang a ti.

An va zohnai ih a thaw aum lai ti an theih ruangah sibawi an ko lohli, siizung dang Meerut ah an tlanpi lohli ih sibawi pawlin an zohdik hnuah a nungsal ti an thei. Tu’ahcun a dinhmun khal a ṭha vivo zo, asinan a ṭongsuak thei hrih lo. Sibawi in a dinhmun cu seherh um a si nawn lo, ṭhah lam a pan vivo tin a innsang pawl hnenah a sim thei. (#Times of India)

Be the first to comment

Leave a Reply

Your email address will not be published.


*