India Ram An Lockdown, An Khua Ah A Fapa Ih Siivai Aum Lo. Khua Dang Ta Ava La Ih Ni 3 A Rei

Covid-19 ruangah India ramsung cu an lockdown thluh, zohman vahsuah an siang lo. Emergency tuk pawl lawng an vaksuak thei ih ca poihmawh an kengtel a ṭul. Mysore, Koppalu khua ih um pacang kum 45 mi Anand ih pekawknak hi a ropi tuk.

Fapa pakhat anei ih a nauhak lai ihsin damlonak anei, thla 6 a ti ihsin a damlo ih sibawi in siivai ei ding an pe. Siivai cu pelh loten nitinten a ei ringring a ṭul, kum 18 a kim hlan tiang siivai cu a ei ringring a ṭul tin sibawi pawlin an sim.

A pa in kum 10 sung cu pelh loten siivai ei ding a pe ringring zo, asinan tulai lockdown a si ruangah dawr pawl an khar thluh. A fapa ih siivai cu an khua sungah a hawl rero nan zohman in an nei lo.

Pacang Anand in “Kan khua ah ka fapa ih siivai cu ka sut thluh ih zohman in an nei lo. Nikhat khal ei loin ka umter thei lo, Bengaluru ah ka ve feh ih ni 3 ka rei” a ti.

Lockdown ruangah tlangleng, bus pawl an tlan lo, curuangah an thirleng in ava feh. Tluangten a fapa ih siivai cu a la thei, cozah siizungpi ta a la ih alakin a la. A fapa nun pangaiten a hmang theinak dingih a pekawknak cu upa a tlak zet.

Be the first to comment

Leave a Reply

Your email address will not be published.


*