Indonesia Christian Cu Youtube Ih A Video Ruangah Kum 10 Sung Thawngtla Dingin A Thu An Ṭhencat

Indonesia mipa Muhammad Kace cu Muslim innsang ihsin thanglian a si, 2014 kum rundamnak a co ih Christian ah a lut. YouTube ah Muslim sakhua ṭhahlonak thu pawl a tarlang ṭheu ruangah taza an cuai ih an kai hnuah kum 10 sung thawngtla dingin a thu an ṭhencat.

Muhammad Kace in, “Muhammad hi Pathian ih theihmi a si lo, a dungthluntu pawl lawngin an thei. A dungthluntu pawl cu khuasia hlir an si” a ti cu an ngaih lo tuk. Thawnginn sung khalah vuak le velh a tong, palik tlawngta in nasa zetin arak vel ciamco.

Palik thawngtla cu eiruknak ruangih thawngtla a si. Indonesia tlangval Yahya Waloni khal Christian sakhua ihsin Muslim sakhua ah a lut ih Christian sakhua cu a relsia ṭheu, Muhammad Kace vekin a cangvai.

Christian sakhua a dokalh tuk ruangah palik pawlin an kai ih thla 5 sung lawng thawngtla dingin a thu an ṭhencat ih Kace lawyer in sakhua thleidannak a si a ti. Indonesia ram cu Muslim rampi pakhat a si ih an sakhua dodaltu cu hremnak phunphun an pe ṭheu.

Be the first to comment

Leave a Reply

Your email address will not be published.


*