Indonesia Ram Ah An That Ding Mi British Nu In A Duhmi Thil Pakhat A Rel

England, Cheltenham khua ih um pitar kum 65 mi Lindsay cu 2012 kum ah Indonesia ram ah ritheihsii tam zet phurlut in an kai. A pasal thawn an ṭhenaw zo. Indonesia cozah in that dingin a thu an relcat, an thatdan ding cu meithal in an kap that ding.

Indonesia cozah in meithal thawn an kaihmi misual kahthat hi an hmang tuk nawn lo, 2016 kum ah an hmang ih cumi hnuah an hmang nawn lo. Kum 10 lenglo Indonesia thawnginn sungah aum zo ih an that ding ni le caan an phuang ding lawng a hngak lai.

A fale pawl khal nupi/pasal nei in innsang an rak din zo. A thawngtlakpi in, “Lindsay cu thawngtla dang pawl lakah aum dah lo, amahten aum ringring. A thiltonmi ruangah a ṭong dah lo” a ti.

Lindsay in a rualnu hnenah, “Thih ka duh, ka hrangah thih hi a har nawn lo ding. Ka thiltuahmi ruangah Indonesia mipi pawl in ngaidam uh, ka thiltuahmi hi ka siraw tuk. Misual pawlkom in ka fale pawl an kai ih in hringhro ruangah ritheihsii ka phur. Ka fale pawl humhimnak ah ritheihsii ka phur” tin a sim thei.

Be the first to comment

Leave a Reply

Your email address will not be published.


*