Indonesia Milar Hminthang Le A Pasal Cu Motor Accident In An Thi, An Thih Hlante Ah >>>

Kum 27 mi Vanessa Angel cu Indonesia ram ih milar hminthang pakhat a si. Actress, model le singer ṭuan rero lai a si ih zuknung tampi ah a tel. A pasal Febri “Bibi” Andriansyah thawn fapa nauhakte pakhat an nei.

November 4, 2021 ah Jakarta ihsin Surabaya ah puai hmang dingin an va feh. Motor sungah cun minung 5 an to ih an nuamaw zet, motor sungah an fapa Gala le nau umtu. An driver pawl thawn minung 5 an um, asinan vanduai thlak zetin lamzin ah accident an tong ih a hmun ah an nupa in an thi.

An fapa telin midang pathum khal hliam nazet an tuar ih an kiang naibik siizung ah an tuamhlawm rero lai. Accident an tong hlante ah an motor sungah an zukaw ciamco ih online parah an tarlang, motor sungih an um lai cu video in an zuk ih nuamaw zetin an tarlang.

Cumi hnu reilote ah accident an tong ih an thi ti thuthang mipi in an thei cu mak an tiin an lau tuk. Lamzin palik bawi in “Driver hi a ithmu ruangah an cangsual. Himi sun cu nikhua a ṭha ih traffic khalah buainak zianghman aum lo” a ti.

Be the first to comment

Leave a Reply

Your email address will not be published.


*