Inn Luah Man A Hlam Paih Nawn Lo Ruangah “Kan Inndot Khatnak Tei In Inn Luah Man In Pe Lo’ Tin Capi Ava Tar Demdem

New York khawpi ih um inn neitu in innluah man pe duhlotu cu ava hlam paih nawn lo ruangah an phar ah ‘Kan inndot khatnak tei in innluah man an pe lo’ tin ca tumpi ava tar.

Lamzin ih feh pawl khalin a ca tarmi cu an hmu thei. Innluah man cu $17,000 zat an bak zo, innluah man an pek lo ruangah Queens Housing Court ah an inn ihsin dawisuak dingin thubuai an va thehlut.

Asinan, court in covid-19 thlisia a hrang ruangah theihthiamnak a nei ih innluah man ih buai case 200,0000 zat cu zianghman relsak hrih loin an pending. An innluahtu cu innsang menber 3 an si ih an hnaṭuan khal a ṭha in thlahlawh khal an ngah tam thei zet.

An innluah man cu thlakhat ah $1,800 a si ih July 2021 ihsin inn neitu in $1,900 in an than ruangah an karlak ah buainak a suak ih innluah man cu an pe duh nawn lo. Curuangah inn neitu Thonpson in,”Capi kan tarmi cu innluah man pe dingih nornak cikhat a si. Kan tuah theimi umsun a si, zalen zetin kan ṭongsuak thei” a ti.

Be the first to comment

Leave a Reply

Your email address will not be published.


*