Inn Par Ihsin Dawp Tum Mino An Runsuak

Rakhine State, Sittwe khua ah mino pakhat cu inn par ihsin dawp that a tum ih a caan kel in an runsuak man.

Kum 26 mi cu August 7, 2022 sun nazi 3:00 hrawngah Golden riahbuk inn par ihsin dawp that a tum. Kiangkap ih um pawlin an run tum ih a duh lo, “Nan ra fehnai asilen ka dawp hngal ding” tin a hringhro.

Tualsung mibawmtu pawlkom hnenah an theihter ih a caan kel in an runsuak. į¹¬uanvo neitu Ko Min Chawa in, “Riahbuk inn par ihsin dawp that a tum. A dawp tumnak san cu minung pawl hi ka zum lo’ a ti, cun a hna ah aw theihmi a neih thu khal in sim. A caan kel in kan kaibet man” a ti.

Maungdaw khuami a si ih Golden riahbuk ah amah lawngin a thleng, riahbuk ih aumnak cu ni 3 a si zo. An sungkhat hnenah an ap zo ih siizung ah tuamhlawm dingin an tawlrel rero lai.

Be the first to comment

Leave a Reply

Your email address will not be published.


*