Inndot 5-nak Ihsin Naute A Tla Ih Arak Dawng Man

China, Zhejiang province, Tongxiang khua ih um nunau nauhak kum 2 mi cu inndot 5-nak ihsin a tla nan vanṭhat ah samaria miṭha in arak run man. July 19 sun ah nauhak kum 2 mi cu an sangkate ihsin lenglam ah a suak.

Cutik lai caan ah an vengsung ih bank hnaṭuan kum 31 mi Shen Dong cu lamzin kap ah motor a ret ih thir tla thawm a thei, tlunlam avun zoh ih nauhak te vakkual rero lai a hmu. Shen Dong in palik pawl a phone laiah nauhak te cu a tla thutthi, Shen Dong in a phone cu a hlon ih nauhak te cu arak pombet man.

A hnaṭuanpi nunau pakhat in arak bawm ve. Nauhak te ih ke le cuap ah hliam a tuar nan seherh um dinhmun a si lo, a damṭha zo. Shen Dong ih cangvaihnak cu kiangkap ih um CCTV in arak zuk ngah ih palik pawlin online sungah an tarlang, online mipi pawlin ‘miralṭha’ tin upatnak an hlan ih ‘A phone hi a siat men thei, laksawng ah phone thar pe uh’ an ti.

Shen Dong in, “Thungai cun ka cangvaihdan hi zianghman ka theithei nawn lo, ka kut a naa maw ti khal ka thei lo. Rang zetin ka va thleng man, a caan diktak ah ka cangvai man cu a vanṭha tuk. Cangvai man lo sehla cun poi ka ti zet ding” a ti.

Be the first to comment

Leave a Reply

Your email address will not be published.


*