Innkhan Te Ah A Thi, A Thih Hnu 5-nak Lawng Ah Venghnen Pawlin An Thei

Covid-19 natsia in Myanmar ramsung a nuai ciamco ih tuamhlawmtu neilo ih thi khal an tam zet zo. An innhmai ah bawm dilnak thantar an zar nan mipi in an rak hmu lo ruangah bawmtu nei loin an thi.

Tuiṭum khalah mipa pakhat cu amahten innluah a si ih a thih hnu ni 5-nak lawngah venghnen pawlin a thi ti an thei. A thawmvang an thei nawn lo ih an hmu dah nawn lo ruangah an mangbang tuk.

Ni 5-nak ahcun rim anei thlang ruangah an va zohfiah cu minung arak si nawn lo, cutin mibawmtu pawlkom an ko ih ruak hlamtu unau sungkhat anei lo ruangah mibawmtu pawlkom in an vuiliam.

Lin Latt timi facebook in “Innkhan te ah amah lawngin aum ih a thi, a thih hnu ni 5-nak lawngah Lin Let Social Welfare mibawmtu pawlkom in a ruak an va la ih an phum.

Khuahar zetin, amahten a thi nan mibawmtu pawlkom in ṭha zetin an phum ruangah a lungawi um tuk. Hnangamten cawl hahdam thlang aw, neta hringnun na hmangsal tikah cun hivek natsia ih tuahmawhnak lak ihsin na him theinak dingah thlaza ka lo camsak” tin a tarlang.

Be the first to comment

Leave a Reply

Your email address will not be published.


*