Innsang Pabik A Awk Aw That

Myanmar ramsung buai hnuah mipi lakah harsatnak phunphun a thleng, nunhar beidonnak ruangah mah le mah that aw khal an um hnuaihni zo.

Rakhine State, Sittwe khua ih um innsang pabik cu nun beidonnak ruangah amah le mah a awk aw that. Kum 58 mi U Tun Tha Sein cu August 16, 2022 sun nazi 3:00 hrawngah inn ah amah lawng in aum ih an inn parah hridai thawn a awk aw that. A nupi le a fale 5 a thihsan.

Mibawmtu pawlkom in, “Mithi U Tun Tha Sein ih nupi in nupa karlak buainak zianghman kan nei lo’ a ti. Inn parah a awk aw that, a ruak cu kan la ih Sittwe cozah siizungpi ah zohdiknak an nei rero lai” a ti.