Innsang Pabik, A Nupi Fanau Hmuh Lai Rori Ah An Kap That

Sagaing Region, Katha District, Htee Chaing khua ih um pacang kum 40 mi cu ralkap pawlin PDF hotu tin an kap that. June 23 zan nazi 8:20 ah Ko Nay Lin Aung tei innsang cu zanriah an ei, an zanriah ei laitak ah ralkap 30 lenglo in an inn an va kulh.

Ralkap motor tumpi khal an hmaiah a ding, meithal an hmet puak ih “Inn sungah na um ti kan thei. Ra suak hngal aw” tin an au ciamco. Ko Nay Lin Aung cu inn dunglam sangkate ihsin a dawp ih an hmuanchar lamah ava tlan, ralkap pawlin an rak kap ciamco ih a dunglam ah an kap ngah.

Ralkap pawlin vei 40 lenglo meithal an hmet puak, ralkap pawlin “Na tlan asilen na nupi fanau pawl kan that thluh ding” tin an hringhro, a nupi fanau khal an kosuak ih an khuk an bilter.

Ko Nay Lin Aung cu a dunglam hliamhma thawn an hmuanchar ah a relh, a relhnak ihsin ara suak ih ralkap in naitakten a awm ah a kap ih a thi. A nupi fanau pawl hmu lai rori ah an kap that.

A ruang cu an la ih motor in an phur. Ralbawi in a nupi hnenah “Thaizing ah Htee Chaing Hospital ah ra uh” a ti. An innsung khal an zohdik thluh nan ziang thil hman an hmu lo.

June 24 sun ah siizung ah an va feh ih Ko Nay Lin Aung ih ruang cu an la hnuah a sun ah an vuiliam. A nupi in “Kan sum tualrawn ah an kap that. Mi fapa cu arte, vate vekin an ra that cu ka lungawi lo tuk. An caan a thleng ve zik thlang” a ti.

Be the first to comment

Leave a Reply

Your email address will not be published.


*